Planning and execution of SIMI activities in Karnataka – ಸಿಮಿ ಉಗ್ರವಾದಿ ಮಂಪರು ಪರೀಕ್ಷೆಯಲ್ಲಿ ಹೇಳಿದ್ದೇನು

ಕರ್ನಾಟಕದ ನೆಮ್ಮದಿಯ ತಾಣವಾದ ಜೋಯಿಡಾ ಕಾಡಿನ ಪಕ್ಕದಲ್ಲೇ ಇರುವ ಕಾಸಲ್‌ರಾಕ್ ಸೇರಿದಂತೆ ಭಾರತದ ವಿವಿಧೆಡೆಗಳಲ್ಲಿ ನಡೆದ ಸಿಮಿ ಉಗ್ರರ ಸಭೆಗಳ ಕುರಿತಾಗಿ, ಅವರು ಮಾಡಿದ ಚರ್ಚೆಗಳ ಕುರಿತಾಗಿ, ಖರೀದಿಸಿದ ಶಸ್ತ್ರಾಸ್ತ್ರಗಳ ಕುರಿತಾಗಿ ಹೆಸರಾಂತ ಉಗ್ರವಾದಿ ಕಮರುದ್ದೀನ್ ನಾಗೋರಿ ಎಂಬಾತ ಮಂಪರು ಪರೀಕ್ಷೆಯಲ್ಲಿ ಬಾಯಿಬಿಟ್ಟ ವಿವರಗಳು ಇಲ್ಲಿವೆ. ಮಂಪರು ಪರೀಕ್ಷೆಯಲ್ಲಿ ಹುಬ್ಬಳ್ಳಿ, ಕಾಸಲ್‌ರಾಕ್‌ನಲ್ಲಿ ನಡೆಸುತ್ತಿರುವ ಚಟುವಟಿಕೆಗಳು, ಎನ್‌ಕೌಂಟರ್ ಸ್ಪೆಷಾಲಿಸ್ಟ್ ದಯಾನಾಯಕ್ ಹತ್ಯೆ ಮಾಡುವ ಕುರಿತು ಮಾನಾಡಿದ್ದಾನೆ. ಉಗ್ರವಾದವೆಂಬುದು ಕರ್ನಾಟಕಕ್ಕೆ ಎಷ್ಟು ಹತ್ತಿರವಾಗಿದೆ ಎಂಬುದಕ್ಕೆ ನಾಗೋರಿ ಮಾತುಗಳೇ ಸಾಕ್ಷಿ.

“ನಾನು ಕಮರುದ್ದೀನ್ ನಾಗೋರಿ, ಕಮರುದ್ದೀನ್ ಅಲಿಯಾಸ್ ರಾಜು ಅಲಿಯಾಸ್ ಅಬ್ದುಲ್ಲಾ ಅಲಿಯಾಸ್ ಸಲ್ಮಾನ್ ಚಾಂದ್ ಮಹಮ್ಮದ್ ನಾಗೋರಿ. ನಾನು 11/2, ನಾಗೋರಿ ಮೂಹಲ್ಲಾ, ತೋಪಖಾನಾ ರಸ್ತೆ, ಉಜ್ಜೈನ್ ನ ನಿವಾಸ, ಜೆಹಾದ್ ಸಂಬಂಧಿ ಚಟುವಟಿಕೆಗಳನ್ನು ಮಾಡಲೆಂದೇ ನಾನು ‘ಸಿಮಿ’ ಸಂಘಟನೆ ಸೇರಿದೆ. ಇಸ್ಲಾಂ ಬಗ್ಗೆ ಪ್ರಚಾರ ಮಾಡುವುದು, ಮುಸ್ಲಿಂ ಸಮಾಜದ ಮೇಲೆ ನಡೆಯುವ ದಬ್ಬಾಳಿಕೆಯನ್ನು ವಿರೋಧಿಸುವುದು ಮತ್ತು ಅಲ್ಲಾಹುವಿಗಾಗಿ ಪ್ರಾಣತ್ಯಾಗ ಮಾಡುವುದು ಜೆಹಾದ್ ನ ಉದ್ದೇಶಗಳಾಗಿರುತ್ತವೆ.

1991ರಲ್ಲಿ ಮುಂಬಯಿಯಲ್ಲಿ ಮುಸ್ಲಿಮರ ಮೇಲೆ ನಡೆದ ಹಿಂಸಾಚಾರ ಮತ್ತು ಗುಜರಾತಿದಲ್ಲಿ ಮುಸ್ಲಿಮರ ಮೇಲೆ ನಡೆದ ಹಿಂಸಾಚಾರಗಳ ವಿರುದ್ಧ ಸೇಡು ತೀರಿಸಿಕೊಳ್ಳಲು ನಿರ್ಧರಿಸಿದ ನಾವು ಅದಕ್ಕಾಗಿ ಸಿದ್ಧತೆಗಳನ್ನು ಮಾಡಿಕೊಂಡಿದ್ದು ಹೌದು. ಕೃಷ್ಣಾ ಕಮೀಷನ್ ವರದಿಯಲ್ಲಿ ಈ ಮುಸ್ಲಿಂ ವಿರೋಧಿ ದಂಗೆಯಲ್ಲಿ ಯಾರ್ಯಾರು ಪಾಲ್ಗೊಂಡಿದ್ದಾರೆಂಬುದರ ವಿವರಗಳಿವೆ. ಆದರೆ ಅಂಥವರ ವಿರುದ್ಧ ಸರ್ಕಾರ ಕ್ರಮಕೈಗೊಂಡಿಲ್ಲ. ನಮ್ಮ ಕೈಗೆ ಕೃಷ್ಣಾ ಕಮೀಷನ್ ವರದಿಯ ಪ್ರತಿ ಸಿಕ್ಕ ಮೇಲೆ ಮುಸ್ಲಿಮರ ಮೇಲೆ ಹಲ್ಲೆ ಮಾಡಿದ ಅಂಥ ವ್ಯಕ್ತಿಗಳ ಪಟ್ಟಿಮಾಡುವುದು ಸಾಧ್ಯವಾಗುತ್ತಿದೆ ಆದರೆ ಪ್ರತಿ ದೊರೆಕಿಸಿಕೊಳ್ಳುವ ಜವಾಬ್ದಾರಿಯನ್ನು ಎಹತೆಶಾಮ್ ನಿಗೆ ವಹಿಸಿಕೊಡಲಾಗಿತ್ತು. ಆದರೆ ಅವನು ಮುಂಬೈ ಸ್ಫೋಟದ ನಂತರ ಬಂಧಿತನಾದ. ಹೀಗಾಗಿ ಆ ವರದಿ ನಮ್ಮ ಕೈಗೆ ಸಿಗಲಿಲ್ಲ. ಮಸೀದಿ ಧ್ವಂಸವಾಗುವುದನ್ನೂ, ಮುಸ್ಲಿಂ ಮಹಿಳೆಯರ ಮೇಲೆ ಅತ್ಯಾಚಾರವಾಗುವುದನ್ನೂ ಕಣ್ಣಾರೆ ನೋಡಿದ ಮೇಲೆ ನಾವೇ ಇಂತಹ ನಿರ್ಣಯಗಳಿಗೆ ಬಂದಿದ್ದೆವೆಯೇ ಹೊರತು ಈ ವಿಷಯದಲ್ಲಿ ನಮ್ಮನ್ನು ಯಾರೂ ಪ್ರಚೋದಿಸಿಲ್ಲ.

ನಾವು ಚೋರಲ್ ನಲ್ಲಿ ಒಂದು ಶಿಬಿರ ಏರ್ಪಡಿಸಿದ್ದು, ಅಲ್ಲಿ ಏರಗನ್‌ನಿಂದ ಗುರಿಯಿಡುವುದನ್ನು ಶಿಬಿರಾರ್ಥಿಗಳಿಗೆ ಕಲಿಸಲಾಯಿತು. ನನ್ನ ಹತ್ತಿರ ಬುರಹಾನ್ ಪುರದಿಂದ ತಂದಿದ್ದ ಏಳು ಕಂಟ್ರಿ ಪಿಸ್ತೂಲಿಗಳಿದ್ದು ಅವುಗಳನ್ನು ತಲಾ ಐದೂವರೆ ಸಾವಿರ ರುಪಾಯಿಗಳಿಗೆ ನಾನೇ ಖರೀದಸಿದ್ದೆ. ಆ ಏಳು ಪಿಸ್ತೂಲುಗಳು ಪೈಕಿ ನಾಲ್ಕು ಪಿಸ್ತೂಲುಗಳನ್ನು ನಾನು ಹುಬ್ಬಳ್ಳಿಯ ಅದ್ನಾನ್ ಗೆ ಕಳಿಸಿಕೊಟ್ಟಿದ್ದೆ. ಸದ್ಯಕ್ಕೆ ಏಳು ಪಿಸ್ತೂಲುಗಳು ಪೊಲೀಸರಿಗೆ ಸಿಕ್ಕು ಹೋಗಿವೆ. ಚೋರಲ್ ಶಿಬಿರದಲ್ಲಿ ಇಪ್ಪತ್ತೊಂದು ಜನ ಭಾಗವಹಿಸಿದ್ದರು. ಅವರಲ್ಲಿ ಒಂದಿಬ್ಬರು ಖಂಡ್ವಾದಿಂದ ಬಂದಿದ್ದರು. ಅದ್ನಾನ್, ಹಫೀಜ್, ಮಂಜರ್ ಮತ್ತು ಜಾರ್ಖಂಡ್ ದಿಂದ ದನಿಷ್ ಮಧ್ಯಪ್ರದೇಶದಿಂದ ಇಬ್ಬರು, ಉತ್ತರ ಪ್ರದೇಶದಿಂದ ಇಬ್ಬರು, ಕೇರಳದಿಂದ ಸಿಬ್ಲಿ ಹಾಗೂ ಮುಂಬೈಯಿಂದ ಸುಭಾನ್ ಬಂದಿದ್ದರು. ಉಳಿದವರು ಇಂದೋರ್ ಹಾಗೂ ಖಂಡ್ವಾದವರಾಗಿದ್ದರು.

ಏಪ್ರಿಲ್ ತಿಂಗಳಲ್ಲಿ ನಾನು ಕ್ಯಾಸಲ್ ರಾಕ್ ಶಿಬಿರಕ್ಕೆ ಹೋಗಿದ್ದೆ ಎಂಬುದು, ಹುಬ್ಬಳ್ಳಿಯಿಂದ ಎರಡೂವರೆ ಗಂಟೆಗಳ ಕಾಲ ಪ್ರಯಾಣ ಮಾಡಿದ ನಂತರ ಸಿಗುವ ತಾಣ. ಕ್ಯಾಸಲ್ ರಾಕ್ (castle rock) ಸಭೆಯ ನಂತರ ಅಕ್ಟೋಬರ್-ನವೆಂಬರ್ ತಿಂಗಳಲ್ಲಿ ನಾನು ಪಿಸ್ತೂಲುಗಳನ್ನು ಹುಬ್ಬಳ್ಳಿಯಲ್ಲಿ ಅದ್ನಾನ್‌ಗೆ ಕೊಟ್ಟೆ. ಹುಬ್ಬಳ್ಳಿಯಲ್ಲಿ ನಾನು ಒಂದು ದಿವಸ ಮಟ್ಟಿಗೆ ತಂಗಿದ್ದೆ. ಮುಂದೆ ಪಿಸ್ತೂಲುಗಳನ್ನು ಅದ್ನಾನ್ ನನಗೆ ಹಿಂತಿರುಗಿಸಿದ್ದ. ಕ್ಯಾಸಲ್ ರಾಕ್ ಶಿಬಿರ ನಡೆಯುತ್ತಿದ್ದಾಗ ನನ್ನ ಬಳಿ ಯಾವುದೇ ವಾಕೀ-ಟಾಕೀ ಇರಲಿಲ್ಲ.

ಪೆಟ್ರೋಲ್ ಬಾಂಬ್

ಚೋರಲ್ ಶಿಬಿರದಲ್ಲಿ ನಾನು ಐದಾರು ಪೆಟ್ರೋಲ್ ಬಾಂಬ್‌ಗಳನ್ನು ತಯಾರಿಸಿ ಶಿಬಿರಾರ್ಥಿಗಳಿಗೆ ಅವುಗಳ ಬಳಕೆ ಹೇಗೆಂಬುದನ್ನು ತೋರಿಸಿದ್ದೆ. ಮತೀಯ ದಂಗೆಗಳಾದಾಗ, ಹೆಚ್ಚಿನ ಹಿಂದೂಗಳು ಮೈಮೇಲೆ ಬಿದ್ದರೆ ಆ ಪೆಟ್ರೋಲ್ ಬಾಂಬ್‌ಗಳನ್ನು ಹೇಗೆ ಬಳಸಬಹುದು ಎಂಬುದನ್ನು ಅವರಿಗೆ ವಿವರಿಸಿದ್ದೆ. ಇವುಗಳನ್ನು ತಯಾರಿಸಲು ಬೇಕಾದ ವಸ್ತುಗಳು ಅಗ್ಗದ ಬೆಲೆಗೆ ಸಿಗುತ್ತವೆ. ತಯಾರಿಸುವ ವಿಧಾನವೂ ಸುಲಭ. ಈ ಬಾಂಬುಗಳು ಭಯಂಕರವಾಗಿ ಶಬ್ದ ಮಾಡುತ್ತವೆ, ಆದರೆ ಇವುಗಳಿಂದ ಹೆಚ್ಚಿನ ಪ್ರಾಣ ಹಾನಿ ಸಂಭವಿಸುವುದಿಲ್ಲ ಎಂದು ನಾನು ಅವರಿಗೆ ವಿವರಿಸಿದ್ದೆ. ಅವುಗಳನ್ನು ನಾನು ಬಾಬ್ರಿ ಮಸೀದಿ ಉಧ್ವಸ್ತವಾದ ನಂತರ ಉಜ್ಜೈನ್‌ನಲ್ಲಿ ನಡೆದ ಮತೀಯ ದಂಗೆಗಳು ಕಾಲದಲ್ಲಿ ತಯಾರು ಮಾಡುವುದನ್ನು ಕಲಿತಿದ್ದೆ. ಆ ದಿನಗಳಲ್ಲಿ ದಂಗೆಗಳು ಹದಿನೈದು ದಿನ ನಡೆದಿದ್ದವು. ಇಂಥ ಪೆಟ್ರೋಲ್ ಬಾಂಬ್‌ಗಳಿಂದ ನಾನು ಮೂವತ್ತು-ಮೂವತ್ತೈದು ಜನರನ್ನು ಕೊಂದಿದ್ದೆ. ಹಿಂದೂಗಳು ಮೈಮೇಲೆ ಏರಿ ಬಂದಾಗ ನಮಗೆ ತಿರುಗಿ ನಿಂತು ಬಡಿದಾಡಲು ಬೇರೆ ದಾರಿಯಿರುವುದಿಲ್ಲ ನೋಡಿ? ಮಧ್ಯ ಪ್ರದೇಶದಲ್ಲೂ ಮೇಲಿಂದ ಮೇಲೆ ಕೋಮು ಗಲಭೆಗಳಾಗುತ್ತವಾದ್ದರಿಂದ ಅವುಗಳ ವಿರುದ್ಧ ಬಡಿದಾಡಲು ನಾವು ಸಿದ್ಧರಿರಬೇಕು ಎಂದು ಶಿಬಿರಾರ್ಥಿಗಳಿಗೆ ಹೇಳಿದೆ. ಸುಲ್ತಾನ್ ಗೇಟ್‌ನಲ್ಲಿ ನಡೆದ ದಂಗೆಯಲ್ಲಿ ಭಜರಂಗ ದಳದವರು ನೂರಾರು ಸಂಖ್ಯೆಯಲ್ಲಿ ನುಗ್ಗಿ ಬಂದು ಮುಸ್ಲಿಂ ಮನೆಯೊಂದನ್ನು, ಅದರೊಳಗಿದ್ದವರ ಸಮೇತ ಸುಟ್ಟು ಹಾಕಿದರು. ಇಂಥ ಹಲ್ಲೆಗಳನ್ನು ಎದುರಿಸಲು ನಾವೆಲ್ಲ ಸಿದ್ಧರಿರಬೇಕು ಎಂದು ಅವರಿಗೆ ಹೇಳಿದೆ.

ಕುರಾನ್‌ನಲ್ಲಿ ಹುಡುಕಿ

ಕ್ಯಾಸಲ್ ರಾಕ್ ಶಿಬಿರವನ್ನು ನಡೆಸಲು ಹುಬ್ಬಳ್ಳಿಯ ಅದ್ನಾನ್ ಸಾರ್ವಜನಿಕರಿಂದ ದೇಣಿಗೆ ಪಡೆದು ತಂದಿದ್ದ. ಅಂತೆಯೇ ಅವನಿಗೆ ಸಫ್ದರ್ ನಾಗೋರಿಯಿಂದಲೂ ಸ್ವಲ್ಪ ಹಣ ಬಂದಿತ್ತು. ಚೋರಲ್ ಶಿಬಿರಕ್ಕೆ ಸುಮಾರು ಆರು ಸಾವಿರ ಹಣ ಕೊಟ್ಟರು. ಎಷ್ಟು ಖರ್ಚಾಯಿತು, ಯಾರೆಲ್ಲ ಹಾಜರಿದ್ದರು ಅಂತ ಗೊತ್ತಿಲ್ಲ, ಯಾಕೆಂದರೆ ಆ ಸಭೆಗೆ ನಾನು ಹಾಜರಾಗಿರಲಿಲ್ಲ. ಆದರೆ ಉಜ್ಜೈನ್‌ನಲ್ಲಿ ಜುಲೈ 5 ಮತ್ತು 6ರಂದು ನಡೆದ ಸಭೆಗೆ ಎಹತ್‌ಶಾಮ್ ಹಾಜರಾಗಿದ್ದ. ಅವತ್ತಿನ ಸಭೆಯಲ್ಲಿ ಭಾರತೀಯ ಮುಸ್ಲಿಮರ ಮೇಲೆ ನಡೆಯುವ ಹಿಂಸಾಚಾರ ಕುರಿತು ಚರ್ಚಿಯಲಾಯಿತಲ್ಲದೆ, ಸಿಮಿ ಸಂಘಟನೆ ನಿಷ್ಕ್ರಿಯವಾಗಿರುವ ಬಗ್ಗೆಯೂ ಕಳವಳದಿಂದ ಮಾತನಾಡಲಾಯಿತು. ಫೀಲ್ಡ್‌ನಲ್ಲಿ ಕೆಲಸ ಮಾಡಲು ನಮಗೆ ತುಂಬ ಜನ ಹುಡುಗರು ಬೇಕು. ಹೊಸ ಹುಡುಗರನ್ನು ಸೇರಿಸಿಕೊಳ್ಳಲು ನಾವು ತೀರ್ಮಾನಿಸಿದೆವು. ಆದರೆ ಈ ವಿಷಯದಿಂದ ಸಿಮಿ ಸಂಘಟನೆಯನ್ನು ದೂರವಿಡಲು ನಾವು ನಿರ್ಧರಿಸಿದೆವು. ಈ ಸಂದರ್ಭದಲ್ಲೇ ಎಹತೆಶಾಮ್ ಗೆ ಕೃಷ್ಣಾ ವರದಿಯನ್ನು ಸಂಪಾದಿಸುವಂತೆ ಸೂಚಿಸಲಾಯಿತು. ಹಾಗೇನೇ, ಮುಸ್ಲಿಮರ ವಿರುದ್ಧ ಕೆಲಸ ಮಾಡಿದ ಹಿಂದೂ ಪ್ರಮುಖರನ್ನು ಕೊಲ್ಲುವ ಬಗ್ಗೆ ಭಾರತದ ವಿವಿಧ ಮುಸ್ಲಿಂ ನಾಯಕರ ಅಭಿಪ್ರಾಯವೇನಿದೆ ಎಂಬುದನ್ನು ತಿಳಿದುಕೊಳ್ಳುವಂತೆ ಸುಭಾನ್ ಗೆ ಆದೇಶ ನೀಡಲಾಯಿತು. ಕುರಾನ್ ಗ್ರಂಥವನ್ನು ಮತ್ತೊಮ್ಮೆ ಅಭ್ಯಸಿಸಿ, ನಮ್ಮ ಧರ್ಮದ ವಿರುದ್ಧ ಈ ತೆರೆನಾದ ಚಟುವಟಿಕೆಗಳಲ್ಲಿ ತೊಡಗಿದವರಿಗೆ ಏನು ಶಿಕ್ಷೆ ವಿಧಿಸಲಾಗಿದೆ ಎಂಬುದನ್ನು ವಿವರಿಸುವಂತೆ ಸಾರ್ಜಿಲ್‌ಗೆ ಸೂಚಿಸಲಾಯಿತು. ಅವತ್ತಿನ ಸಭೆಯ ನಂತರ ನಾನು, ಎಹತೆಶಾಮ್, ಸಿಬ್ಲಿ, ಹಫೀಜ್, ಸಾರ್ಜಿಲ್ ಮುಂತಾದವರು ಚೆದುರಿದೆವು. ಸಾರ್ಜಿಲ್, ಸಿಬ್ಲಿ, ಮತ್ತು ಇನ್ನೂಬ್ಬ ವ್ಯಕ್ತಿಯೊಂದಿಗೆ ಎಹತೆಶಾಮ್ ಮುಂಬೈಗೆ ಹೋದ. ಆಗ ನಡೆದ ಸಭೆಯಲ್ಲಿ ನಾನಷ್ಟೆ ಅಲ್ಲದೆ ಇಡೀ ಸಿಮಿ ಸಂಘಟನೆ ಮುಂಬೈ ಸ್ಫೋಟಗಳನ್ನು ಬೆಂಬಲಿಸಬೇಕೆಂದು ತೀರ್ಮಾನಿಲಾಯಿತು.

ಕ್ಯಾಸಲ್ ರಾಕ್ ಶಿಬಿರದ ನಂತರ ಸಫ್ದರ್ ನಾಗೋರಿಯೊಂದಿಗೆ ನಾನು ಹೈದರಾಬಾದ್ ಗೆ ಹೋದೆ. ಅಲ್ಲಿ ಸಫ್ದರ್ ಮತ್ತು ಸುಭಾನ್ ರೊಂದಿಗೆ ಸೇರಿ ನಾನು ಮೌಲಾನ ನಜೀರುದ್ದೀನ್ ಅಬ್ದುಲ್ ಅಲಿ ಮಿಸ್ಗಾಹಿ ಎಂಬುವವರನ್ನು ಭೇಟಿಯಾದೆ. ಅವರು ನಡೆಸುತ್ತಿದ್ದ ಮದರಸಾದಲ್ಲಿ ಒಂದು ರಾತ್ರಿ ಉಳಿದು ಮಾರನೆಯ ದಿನ ಅವರನ್ನು ಭೇಟಿ ಮಾಡಿದೆವು. ಅವರನ್ನು ಆನಂತರ ಪೊಲೀಸರು ಬಂಧಿಸಿದರು. ಅವರನ್ನು ಭೇಟಿಯಾಗಲು ಹೋದಾಗ ಯಾಸಿರ್‌ನ ಹಿರಿಯಣ್ಣ ಜಬೀರ್‌ನನ್ನು ಭೇಟಿಯಾದೆವು. ಅವನಿಗೆ ಮತ್ತೊಬ್ಬ ಅಣ್ಣನಿದ್ದ, ಆತ ಸೌದಿ ಅರೇಬಿಯಾದಲ್ಲಿರುವ ವಿಷಯ ತಿಳಿಯಿತು. ಸದರಿ ಜಬೀರ್ ನನ್ನು ಪರಿಚಯದ ಹಫೀಜ್ ಎಂಬಾತನಿಗೆ ಒಂದು ಹಾರ್ಡ್ ಡಿಸ್ಕ್ ಕೊಟ್ಟಿದ್ದು, ಅದರಲ್ಲಿ ಅಪಘಾನಿಸ್ತಾನ ಮತ್ತು ಇರಾಕ್‌ನ ಯುದ್ಧದ ದೃಶ್ಯಗಳಿರುವುದಾಗಿ ತಿಳಿದು ಬಂತು. ಅಮೆರಿಕವು ಮುಸ್ಲಿಮರ ಮೇಲೆ ಎಸಗಿದ ಅನ್ಯಾಯಗಳ ವಿವರಣೆ ಅದರಲ್ಲಿತ್ತು. ಅದಾದ ಮೇಲೆ ಅಬ್ದುಲ್ ಅಲಿ ಮಿಸ್ಗಾಹಿ ಅವರು ಬಂದರು. ನಾವೆಲ್ಲ ಒಟ್ಟಿಗೆ ಊಟ ಮಾಡಿದೆವು.

ಅವತ್ತು ನಡೆದ ಚರ್ಚೆಯಲ್ಲಿ ಷಾಹಜಿ ಸಾಹಿ, ಅಬ್ದುಲ್ ಬರ್ ಫಲಾಹಿ ಅತಾವುಲ್ಲಾ ವಜೀರ್ ಸಾಬ್, ಜಮೀರ್ ಸಿದ್ದೀಕಿ ಸಾಬ್ ಇವರೆಲ್ಲ ಸೇರಿ ತಂಝೀಮ್ (ಗುಂಪು) ಒಂದನ್ನು ರಚಿಸಿಕೊಂಡಿದ್ದು, ಅದಕ್ಕೆ ಅಬ್ದುಲ್ ಅಲಿ ಮಿಲ್ಗಾಹಿ ಅವರನ್ನು ಸ್ವಾಗತಿಸಿರಲಿಲ್ಲ ಎಂಬ ವಿಷಯ ತಿಳಿಸಿದರು. ಆ ಕಾರಣದಿಂದಾಗಿಯೇ ಏನೂ, ಅವರು ರಚಿಸಿಕೊಂಡ ತಂಝೀಮ್ ಧರ್ಮ ಸಮ್ಮತವಾದುದಲ್ಲವೆಂದೂ, ಅದಕ್ಕೆ ಖಚಿತವಾದ ಗುರಿ, ಸಿದ್ಧಾಂತ ಯಾವುದೂ ಇಲ್ಲವೆಂದೂ ಅಬ್ದುಲ್ ಅಲಿ ಮಿಸ್ಗಾಹಿ ಅವರ ಮೊಬೈಲ್‌ಗೆ ಮೇಲಿಂದ ಮೇಲೆ ಟೆಲಿಫೋನ್ ಕರೆಗಳು ಬರುತ್ತಿದ್ದವು. ಏಕೆಂದರೆ ಅವರ ಮಗನನ್ನು ಗುಜರಾತದ ಏನ್ ಕೌಂಟರ್ ನಲ್ಲಿ ಕೊಲೆ ಮಾಡಲಾಗಿತ್ತು. ಹೀಗಾಗಿ, ಪೊಲೀಸರ ವಿರುದ್ಧ ಮೊಕದ್ದಮೆ ಹೂಡುವಂತೆ ಪತ್ರಕರ್ತರು ಅವರನ್ನು ಒತ್ತಾಯಿಸುತ್ತಿದ್ದರು. ಅದನ್ನು ನಮಗೆ ವಿವರಿಸಿದ ಅಬ್ದುಲ್ ಅಲಿ ಮಿಸ್ಗಾಹಿ ಅವರಕು ಒಂದು ಪತ್ರಿಕಾಗೋಷ್ಠಿಯನ್ನು ಮಾತನಾಡಲು ಹೊರಟು ಹೋದರು.

ನನಗೆ ಕಂಪ್ಯೂಟರ್‌ಗಳ ಜ್ಞಾನ ಅಷ್ಟಾಗಿ ಇಲ್ಲ. ಆದರೆ ಅವತ್ತು ನಾನು ಹೈದರಾಬಾದಿನಲ್ಲಿ ಸಲಾವುದೀನ್ ಸರಾಯ್(ಛತ್ರದಂತಹುದು)ನಲ್ಲಿ ಧಡೂತಿ ದೇಹದ ಷಾಹಿದ್ ಎಂಬಾತನನ್ನು ಭೇಟಿ ಮಾಡಿದೆ. ಅವರನ್ನು ನಾನು ದಿಲ್ಲಿಯ ಸಿಮಿ ಕೇಂದ್ರ ಕಚೇರಿಯಲ್ಲಿ ನೋಡಿದ್ದೆ. ಹೈದರಾಬಾದಿನಲ್ಲಿ ನಾನು ಭೇಟಿ ಮಾಡಿದ ಸಿಮಿ ಸದಸ್ಯರೆಂದರೆ ಜಬೀರ್, ಯಾಸಿನ್ ಮತ್ತು ಮೊತಾಸಿನ್ ಮಾತ್ರ. ಸಿಮಿ ಸಂಘಟನೆ ಯಾವುದಾದರೂ ಕಾರ್ಯಾಚರಣೆ ಮಾಡುತ್ತಿದ್ದರೆ, ಅದಕ್ಕೆ ಸ್ಟೂಡೆಂಟ್ ಇಸ್ಲಾಮಿಕ್ ಆರ್ಗನೈಸೇಷನ್ (S.I.O) ಬೆಂಬಲ ನೀಡುವುದಿಲ್ಲ. ಅಂತೆಯೇ S.I.O ಮಾಡುವ ಕಾರ್ಯಾಚರಣೆಗೆ SIMI ಸಂಘಟನೆ ಬೆಂಬಲ ನೀಡುವುದಿಲ್ಲ. SIO ಸಂಘಟನೆ ಮಾಲತಃ ಜಮಾತ್-ಎ-ಇಸ್ಲಾಂನ ಅಂಗ ಸಂಸ್ಥೆಯಾಗಿರುವುದರಿಂದ ಅದು SIMI ಗಿಂತಲೂ ಹೈದರಾಬಾದ್‌ನಲ್ಲಿ ಬಲಿಷ್ಠವಾಗಿದೆ.

ಚೋರಲ್ ಶಿಬರದಲ್ಲಿ ಮುಖವಾಡಗಳನ್ನೂ, ಕೈಗೆ ತೊಟ್ಟುಕೊಳ್ಳುವ ಗ್ಲೋವ್ಸ್‌ಗಳನ್ನೂ ಬಳಸುವ ವಿಧಾನ ಹೇಳಿಕೊಡಲಾಯಿತು. ಆದರೆ ವಿಪರೀತ ಸೆಖೆಯಿರುತ್ತಿದ್ದ ಕಾರಣ ಗ್ಲೋವ್ಸ್‌ಗಳು ತೊಯ್ದು ಹೋಗುತ್ತಿದ್ದವು. ಇಂದೋರ್‌ನ ಡಾ. ಫೆಜಲ್ ಎಂಬ ವೈದ್ಯಕೀಯ ವಿದ್ಯಾರ್ಥಿ ಸಿರಿಂಜುಗಳನ್ನು ಬಳಸುವುದನ್ನು ಹೇಗೆಂಬುದನ್ನು ಶಿಬಿರಾರ್ಥಿಗಳಿಗೆ ಹೇಳಿಕೊಟ್ಟ. ಅಗತ್ಯ ಬಿದ್ದಾಗ ತೆಗೆದುಕೊಳ್ಳುವ ಮಾತ್ರೆಗಳು ಕುರಿತಾಗಿಯೂ ತಿಳಿಸಿದ ಚೋರಲ್ ಸಭೆಯಲ್ಲಿ (ಎರಡನೇ ಬಾರಿ ನಡೆದಾಗ) ನನಗೆ ಹ್ಯಾಂಡ್ ಗ್ರೆನೇಡ್‌ಗಳನ್ನು ಸಂಪಾದಿಸುವ ಕುರಿತಂತೆ ಆದೇಶ ನೀಡಲಾಯಿತು. ಅದಕ್ಕೆ ಬೇಕಾದ ಸಾಮಗ್ರಿ ಸಿಕ್ಕದ್ದೇ ಆದಲ್ಲಿ, ಒಂದು ವರ್ಷದೊಳಗೆ ನಾವೇ ಹ್ಯಾಂಡ್ ಗ್ರೆನೇಡ್‌ಗಳನ್ನು ತಯಾರಿಸಿಕೊಳ್ಳುವ ಕುರಿತಾಗಿಯೂ ನಿರ್ಣಯ ಕೈಗೊಳ್ಳಲಾಯಿತು. ಅವತ್ತಿನ ತನಕ ಹ್ಯಾಂಡ್ ಗ್ರೆನೇಡ್‌ಗಳನ್ನು ತಯಾರು ಮಾಡುವ ಫಾರ್ಮುಲಾ ನನಗೆ ಗೊತ್ತಿರಲಿಲ್ಲ. ಆದರೆ ಅದರಲ್ಲಿ ಹಫೀಜ್ ನಿಪುಣನಾಗಿದ್ದಾನೆ. ಮತೀಯ ದಂಗೆಗಳಾದಾಗ ಹ್ಯಾಂಡ್ ಗ್ರೆನೇಡ್ ಗಳನ್ನು ಬಳಸಬೇಕೆಂದು ಚೋರಲ್‌ನ ಎರಡನೇ ಶಿಬಿರದಲ್ಲಿ ತೀರ್ಮಾನಿಸಲಾಯಿತು. ನಮ್ಮ ಗುಂಪಿನವನೇ ಆದ ಸಿಬ್ಲಿ ಮೂಲತಃ ಇಂಜನಿಯರ್ ನಾಗಿದ್ದು, ಅವನಿಗೆ ಬಾಂಬ್ ಗಳನ್ನು ತಯಾರು ಮಾಡುವುದು ಚೆನ್ನಾಗಿ ಗೊತ್ತು.

ಕರ್ನಾಟಕದಲ್ಲಿ ಅರೆಸ್ಟ್

ಹುಬ್ಬಳ್ಳಿಯಲ್ಲಿದ್ದಾಗ ನಾನು ನಾಸಿರ್‌ನನ್ನು ಭೇಟಿಯಾಗಲಿಲ್ಲವಾದರೂ ಅವನು ಸಫ್ದರ್‌ನನ್ನು ಭೇಟಿಯಾಗಲು ಹಫೀಜ್‌ನ ಜೊತೆಗೆ ಭೋಪಾಲ್‌ಗೆ ಬಂದಿದ್ದನೆಂಬ ಸಂಗತಿ ನನಗೆ ಗೊತ್ತಿತ್ತು. ಹಫೀಜ್ ಮತ್ತು ನಾಸೀರ್ ಇಬ್ಬರೂ ಕರ್ನಾಟಕದವರು. ಕಳುವು ಮಾಡಿದ ಬೈಕೊಂದನ್ನು ಒಯ್ಯುತ್ತಿದ್ದಾಗ ನಾಸೀರ್ ಪೊಲೀಸರ ಕೈಗೆ ಸಿಕ್ಕುಬಿದ್ದನೆಂದೂ, ಆತ ಮೌಲಾನ ನಾಸೀರುದ್ದೀನ್ ಶಾಹ್ ಅವರ ಮಗನೆಂದೂ ನನಗ ಆನಂತರ ಗೊತ್ತಾಯಿತು. ಈ ಮಧ್ಯೆ ನಾನು ಹನ್ನೊಂದು ಪಿಸ್ತುಲುಗಳನ್ನೂ, ನಲವತ್ತು ಕಾಡತೂಸುಗಳನ್ನೂ, ಖರೀದಿಸಿದ್ದೆನಾದರೂ ಅವುಗಳಲ್ಲಿ ಹೆಚ್ಚಿನ ಪಿಸ್ತೂಲುಗಳು ಕೆಟ್ಟು ಹೋದವು. ಅವು ಮಧ್ಯೆ ಪ್ರದೇಶದ ಬುರ್ಹಾನ್ ಪುರದಲ್ಲಿ ಸಿಗುತ್ತಿದ್ದು, ಅವು ಸಿಕ್ಕುವು ಜಾಗ ಷೌಕತ್‌ಗೆ ಚೆನ್ನಾಗಿ ಗೊತ್ತು. ಕರ್ನಾಟಕದಲ್ಲಿ ಇವು ಎಲ್ಲಿ ಸಿಗುತ್ತವೆಂದು ನನಗೆ ಗೊತ್ತಿಲ್ಲ. ಮಹಾರಾಷ್ಟ್ರಕ್ಕೆ ನಾನು ಯಾವುದೇ ಆಯುಧವನ್ನು ಸರಬರಾಜು ಮಾಡಿಲ್ಲ.

ರಂಜಾನ್ ತಿಂಗಳಲ್ಲಿ ಭಾರತದಲ್ಲಿ ತಂಝೀಮ್, ಮದರಸಾ ಮತ್ತು ಸಿಮಿಗೆ ಜನ ದೇಣಿಗೆ ಕೊಡುತ್ತಾರೆ. ಇಂದೋರ್ ನಲ್ಲಿ ಮಹಮ್ಮದ್ ರಮೀಜ್ ಮತ್ತು ರಜಾಕ್ ದೇಣಿಗೆ ಸಂಗ್ರಹಿಸುತ್ತಾರೆ. ಹೆಚ್ಚಿನ ಹಣ ಬಂಧಿತರಾದ ಸಿಮಿ ಸಂಘಟನೆಯ ಕಾರ್ಯಕರ್ತರನ್ನು ಜಾಮೀನಿನ ಮೇಲೆ ಬಿಡಿಸುವುದಕ್ಕೆ ಖರ್ಚಾಗುತ್ತದೆ. ಖಂಡ್ವಾದ ಸಿಮಿ ಸದಸ್ಯರ ಬಿಡುಗಡೆಗೆ ಈಗಾಗಲೇ 35 ಸಾವಿರ ರುಪಾಯಿಗಳನ್ನು ವಕೀಲರಿಗೆ ಕೊಡಲಾಗಿದೆ. ಭೋಪಾಲದಲ್ಲಿ ಒಂದು ಮನೆ ಬಾಡಿಗೆಗೆ ಹಿಡಿದು ಅದರಲ್ಲಿ ನಮ್ಮ ಕಚೇರಿ ತೆರೆಯಲಾಗಿದೆ. ನನಗೆ ಭೋಪಾಲದ ಮುನೀರ್ ದೇಶ್ ಮುಖ್ ಗೊತ್ತು. ಆತ ಕಳೆದ ಎಂಟು ವರ್ಷಗಳಿಂದ ಪೊಲೀಸರಿಂದ ತಪ್ಪಿಸಿಕೊಂಡು ತಿರುಗುತ್ತಿದ್ದ. ಐದು ವರ್ಷಗಳ ಹಿಂದೆ ಆತನನ್ನು ನಾನು ಔರಂಗಾಬಾದ್‌ನಲ್ಲಿ ಇಮ್ರಾನ್ ಮದುವೆಯಲ್ಲಿ ಭೇಟಿಯಾಗಿದ್ದೆ. ಈಗ್ಗೆ ಎರಡೂವರೆ ವರ್ಷದ ಹಿಂದೆ ಇಮ್ರಾನ್‌ನ ಬಂಧನವಾಯಿತು. ಆತ ಬಹುಶಃ ಇಂದೋರ್ ಅಥವಾ ಉತ್ತರ ಭಾರತದ ಸಾಗರ್ ಜೈಲಿನಲ್ಲಿರಬೇಕು.

ದಯಾನಾಯಕ್ ಹೊಡೆದು ಕೊಲ್ಲುವ ಹುನ್ನಾರ

ಉಜ್ಜೈನ್‌ನಲ್ಲಿ ನಡೆದ ಸಭೆಯಲ್ಲಿ ಎಹತೆಶಾಮ್ ದಯಾನಾಯಕ್ ಎಂಬ ಪೊಲೀಸ್ ಅಧಿಕಾರಿಯ ಬಗ್ಗೆ ಪದೇಪದೇ ಹೇಳುತ್ತಿದ್ದ. ಆತನೊಂದಿಗೆ ಪ್ರಮೀಣ್ ತೊಗಾಡಿಯಾ, ಮುನ್ನಾ ಬಜರಂಗಿ ಮತ್ತು ಬಾಬು ಬಜರಂಗಿಯ ಕುರಿತಾಗಿಯೂ ಹೇಳುತ್ತಿದ್ದ. ಇವರನ್ನು ಹೊಡೆದು ಕೊಲ್ಲುವ ಬಗ್ಗೆ ಚರ್ಚೆಯಾಗುತ್ತಿತ್ತು. ಆದರೆ ಲಾಲ್ ಕೃಷ್ಣ ಅಡ್ವಾಣಿ, ಉಮಾಭಾರತಿ ಅಥವಾ ಅಟಲ್ ಬಿಹಾರಿ ವಾಜಪೇಯಿ ಇವರ ಬಗ್ಗೆ ಪ್ರಸ್ತಾಪವಾಗಿರಲಿಲ್ಲ. ಇಂದೋರ್, ಭೋಪಾಲ್ ಅಥವಾ ಉತ್ತರ ಪ್ರದೇಶದಲ್ಲಿ ನಾವು ಯಾರನ್ನೂ ಕೊಲ್ಲುವ ಉದ್ದೇಶವಿಟ್ಟುಕೊಂಡಿರಲಿಲ್ಲ. ಮುಖ್ಯವಾಗಿ ಮಹಾರಾಷ್ಟ್ರದ ದಯಾನಾಯಕ್‌ನನ್ನೂ, ಗುಜರಾತದ ಕೆಲವರನ್ನೂ ಮೌಸರ್(ಪಿಸ್ಟಲ್) ನಿಂದ ಹೊಡೆದು ಕೊಲ್ಲಲು ತೀರ್ಮಾನಿಸಿದ್ದೆವು. ಬುರ್ಹಾನ್ಪುರದಿಂದ ಮೌಸರ್ ತರಲು ನನಗೆ ವಹಿಸಲಾಗಿತ್ತು. ಆದರೆ ಇಂದೋರ್‌ನ ಮುಂಬೈ ಬೋಸ್ ಕಂಡಿಯಾ ರೋಡ್ ನ ಮನೆಯಿಂದ ನನ್ನ ಕೆಲವು ಆಯುಧಗಳನ್ನು ಪೊಲೀಸರು ವಶಪಡಿಸಿಕೊಂಡುಬಿಟ್ಟರು. ಅಂತೆಯೇ ಶ್ಯಾಮ್ ನಗರ್ ಮನೆಯಿಂದ ನಮ್ಮ ಗುಂಪಿನ ಹದಿಮೂರು ಜನರನನ್ನು ಬಂಧಿಸಲಾಯಿತು. ಅವರಲ್ಲಿ ಕೆಲವರು, ಹುಬ್ಬಳ್ಳಿಯಲ್ಲಿ ಸಿಮಿ ಸಂಘಟನೆಯವರು ಬಂಧಿತರಾದ ಮೇಲೆ ತೆಲೆತಪ್ಪಿಸಿಕೊಂಡು ಇಂದೋರಕ್ಕೆ ಬಂದಿದ್ದರು. ಅವರನ್ನು ಇಂದೋರ್ ನಲ್ಲಿ ಬಂಧಿಸಲಾಯಿತು. ಅವರಿಗೆ ಆಶ್ರಯ ನೀಡಿದ್ದ ನಮ್ಮ ಕೆಲವು ಕಾರ್ಯಕರ್ತರೂ ಸಿಕ್ಕುಬಿದ್ದಿದ್ದರು. ಇಂದೋರ್ ಮನೆಯಲ್ಲಿದ್ದಾಗ ಒಂದು ಲೀಗಲ್ ಪಾಲಿಸಿ ಮಾಡಿಕೊಳ್ಳಲು ತೀರ್ಮಾನಿಸಲಾಯಿತು. ಅದರ ಪ್ರಕಾರ ಬಂಧಿತ ಸಿಮಿ ಸದಸ್ಯರ ಕುಟುಂಬದವರನ್ನೂ ಭೇಟಿಯಾಗುವುದು, ಅವರಿಗೆ ಧೈರ್ಯ ಹೇಳುವುದು, ಬಂಧಿತ ಸಿಮಿ ಸದಸ್ಯರಿಗೆ ಜಾಮೀನು ದೊರೆಕಿಸಿಕೊಡುವುದು ಮತ್ತು ಪೊಲೀಸರು ಯಾರ್ಯಾರನ್ನು ಹುಡುಕುತ್ತಿದ್ದಾರೋ, ಅವರಿಗೆ ತೊಂದರೆಯಾಗದಂತೆ ಸರಂಡರ್ ಮಾಡಿಸಿ, ಅವರನ್ನೂ ಬಿಡುಗಡೆ ಮಾಡಿಸುವುದು ನಮ್ಮ ಲೀಗಲ್ ಪಾಲಿಸಿಯ ಕರ್ತವ್ಯವಾಗಬೇಕು ಎಂದು ತೀರ್ಮಾನಿಸಲಾಯಿತು. ಕರ್ನಾಟಕದಿಂದ ಪರಾರಿಯಾಗಿ ಬಂದಿದ್ದವರನ್ನು ರಕ್ಷಿಸಲೆಂದೇ ನಾವು ಇಂದೋರ್‌ನಲ್ಲಿ ಕಜರಾನಾ ಹಾಗೂ ಶ್ಯಾಮ್ ನಗರದ ಮನೆಗಳಲ್ಲಿ ಆಶ್ರಯ ಕೊಟ್ಟಿದ್ದೆವು.

ಹಿಂದೂ ಪ್ರಮುಖರ ಹತ್ಯೆ

ನಮ್ಮ ತರಬೇತಿ ಮೂರು ಮುಖ್ಯವಾದ ಪ್ರಾಂತ್ಯಗಳಿವೆ. ಮೂದಲ ಹಂತದಲ್ಲಿ ನಾವು ಕಾರ್ಯಕರ್ತರಾಗಬಲ್ಲಂಥವರನನ್ನು ಗುರುತಿಸುತ್ತೇವೆ ದಂಗೆಗಳಾದಾಗ ಅಮಾಯಕ ಮುಸ್ಲಿಂರನ್ನು ಪೊಲೀಸರು ಬಂಧಿಸದಂತೆ ಎಚ್ಚರಿಕೆ ವಹಿಸುತ್ತೇವೆ. ಮೂರನೇ ಹಂತದಲ್ಲಿ ಹಿಂದೂ ಪ್ರಮುಖರನ್ನು ಹತ್ಯೆ ಮಾಡಬೇಕೆಂಬುದನ್ನು ಕಲಿಸುತ್ತೇವೆ. ನಾವು ಅಂಥ ವ್ಯಕ್ತಿಗಳನ್ನು ಹತ್ಯೆ ಮಾಡಲು ಷಾರ್ಪ್ ಷೂಟರುಗಳನ್ನು ಹುಡುಕುತ್ತಿದ್ದು, ಅವರಿಗೆ ತರಬೇತಿ ನೀಡಲು ಉತ್ಸುಕರಾಗಿದ್ದೇವೆ. ನಮಗೆ ಉಗ್ರವಾದಿ ಸಂಘಟನೆಗಳ ಸಂಪರ್ಕವಿದ್ದು, ಅದರಿಂದ ನಮಗೆ ಹಣ ಬರುತ್ತದೆ. ಬಾಂಗ್ಲಾದೇಶದ ಜಮಾತೆ-ಎ-ಇಸ್ಲಾಮ್ ಮತ್ತು ಲಷ್ಕರ್-ಎ-ತೊಯಿಬಾದೊಂದಿಗೆ ನಮಗೆ ಸಂಪರ್ಕಗಳಿವೆ. ಆದರೆ, ಹೂಝಿ, ಮತ್ತು ಹರ್ಕತ್-ಉಲ್-ಮುಜಾಹಿದೀನ್ ಸಂಘಟನೆಯೊಂದಿಗೆ ನಮಗೆ ಸಂಪರ್ಕವಿಲ್ಲ. ಈದ್ಗಾ-ಉಲ್-ಹತ್ ಸಮಾವೇಶದಲ್ಲಿ ಮಲೇಷಿಯಾದ ತಂಝೀಮ್, ಇರಾನ್, ಪಾಕಿಸ್ತಾನ್, ಬಾಂಗ್ಲಾದೇಶ ಮತ್ತು ಪ್ಯಾಲೆಸ್ತೀನದ ಕೆಲವು ಮುಜಾಹಿದೀನ್ ಸದಸ್ಯರು ಭಾಗಹಿಸಿದ್ದರು.

ಕೇಂದ್ರ ಸಿಮಿ ಸಂಘಟನೆ ಏರ್ಪಡಿಸಿದ್ದ ಅಲೀಘಡದ ಸಮವೇಶದಲ್ಲಿ 30 ಸಾವಿರ ಸದಸ್ಯರು ಭಾಗವಹಿಸಿದ್ದರು. ಆಗ ಅಬ್ದುಲ್ ಬಸಿ ಫಲಾಹಿ ಮತ್ತು ಸಲಾವುದ್ದೀನ್ ಸಲಾಮ್ ಈ ಸಮಾವೇಶದ ನೇತಾರರಾಗಿದ್ದರು. ಬಿಹಾರದಲ್ಲಿರುವ ಅಬ್ದುಲ್ ಬಸಿ ಫಲಾಹಿ ಈಗಲೂ ಸಿಮಿಯ ಪ್ರಮುಖ ಸದಸ್ಯವಾಗಿದ್ದಾನೆ. ಅಲೀಘಡದ ಸಮಾವೇಶಕ್ಕೆ ಕೆಲವು ವಿದೇಶಿ ಉಗ್ರರೂ ಬಂದಿದ್ದರು. ಅಲ್ಲಿ ಜೆಹಾದ್ ಬಗ್ಗೆ ಭಾಷಣ ಮಾಡಲಾಯಿತು. ಸಿಮಿ ಸಂಘಟನೆಯ ಅತ್ಯಂತ ಪುರಾತನ ಸದಸ್ಯನಾದ ಜಿಯಾವುದ್ದೀನ್ ಸಿದ್ದಿಕಿ ಈಗ ಪಾಕಿಸ್ತಾನದಲ್ಲಿದ್ದಾನೋ, ಅಪಘಾನಿಸ್ತಾನಕ್ಕೆ ಹೋಗಿದ್ದಾನೋ ಗೊತ್ತಿಲ್ಲ. ಆದರೆ ಪೊಲೀಸರು ಅನೇಕರನ್ನು ಬಂಧಿಸತೊಡಗಿದಾಗನಿಂದ, ಅಂದರೆ 2003 ರಿಂದ ಹೆಣ್ಣು ಮಕ್ಕಳು ಸಿಮಿಯಲ್ಲಿ ಭಾಗವಹಿಸುವುದು ಕಡಿಮೆಯಾಗಿದೆ.

ಬೆಂಗಳೂರಿನಲ್ಲಿ ಸಮಾವೇಶ

ಇಸವಿ 2003ರಲ್ಲಿ ಬೆಂಗಳೂರಿನಲ್ಲಿ ಷಾಹಿದ್ ಬದ್ರುಲ್ಲಾನ ನೇತೃತ್ವದ ಒಂದು ಪ್ರಮುಖ ಸದಸ್ಯರ ಸಮಾವೇಶವನ್ನು ಏರ್ಪಡಿಸಲಾಗಿತ್ತು. ಇದರಲ್ಲಿ ಪಾಲ್ಗೊಂಡ 35 ಪ್ರಮುಖರ ಪೈಕಿ ನನಗೆ ನೆನಪಿರುವುದೆಂದರೆ ಸಫ್ದರ್, ಹಫೀಜ್, ಆಮಿಲ್, ಹಿಯಾನ್ ಖಾನ್, ಮಹಾರಾಷ್ಟ್ರದ ಇರ್ಷಾದ್ ಖಾನ್, ನಾಗಪುರದ ಡಾ, ಅಬ್ರಾರ್ ಖಾನ್, ಲಬನ್ ಮದ್ರು, ಜಮೀಲ್, ಜುನೈದ್, ಬಿಜಾಪುರದ ತಾರಿಕ್ ಮತ್ತು ಹಬೀಬ್, ಕೇರಳದ ಡಾ. ಅಬ್ದುಲ್ ಝವಿ, ಯಾಯ ಕಮ್ಮುಟ್ಟಿ, ಎಜಾಜ್, ಮಹಾರಾಷ್ಟ್ರದ ಇಕ್ಬಾಲ್, ದಿಲ್ಲಿಯಲ್ಲಿ ಓದುತ್ತಿರುವ ಉಬೇದ್, ಫಾಹೀಮ್, ಸುಲ್ತಾನ್ ಪುರದ ಸಿಮಿ ವಕೀಲ ಹೂಮಾನ್, ಕಲೀಮ್ ಅಖ್ತರ್, ಇಮ್ರಾನ್ ಅನ್ಸಾರಿ, ಯುನಾನಿ ವಿದ್ಯಾರ್ಥಿ ಅಕ್ರಮ್ ಫಲಾಹಿ, ಮುಂತಾದವರಿದ್ದರು. ಬೆಂಗಳೂರಿನಲ್ಲಿ ಖಚಿತವಾಗಿ ಯಾವ ಜಾಗದಲ್ಲಿ ಸಭೆ ನಡೆಯಿತೆಂದು ನನಗೆ ಗೊತ್ತಿಲ್ಲ. ಆದರೆ ಅದೊಂದು ಪಾಳು ಬಿದ್ದ ಪ್ರದೇಶದಂತಿತ್ತು. ಬೆಂಗಳೂರಿನ ರೈಲು ನಿಲ್ದಾಣದಿಂದ ನಲವತ್ತೈದು ನಿಮಿಷ ಡ್ರೈವ್ ಮಾಡಿದರೆ, ನಗರದೊಳಗೆ ಆ ಪ್ರದೇಶ ಸಿಗುತ್ತದೆ. ಅಲ್ಲಿ ನಾವು ಐದಾರು ಮಂದಿ ಉಳಿದುಕೊಂಡಿದ್ದೇವು. ಆಗ ನಡೆದ ಸಭೆಯಲ್ಲಿ ಭಾರತೀಯ ಮಟ್ಟದ ನಾಯಕನಾಗಿ, ಅಧ್ಯಕ್ಷನಾಗಿ ಷಾಹಿದ್ ಬದರ್‌ನನ್ನು ಆಯ್ಕೆ ಮಾಡಲಾಯಿತು. ಹಿಂಡಲ್ ಘಾಟ್‌ನ ಎಜಾಜ್ ನನ್ನು ಜನರಲ್ ಸೆಕ್ರಟರಿಯಾಗಿ ಆಯ್ಕೆ ಮಾಡಲಾಯಿತು. ಹುಬ್ಬಳ್ಳಿಯ ಅದ್ನಾನ್ ನನ್ನೂ, ಸಫ್ದರ್ ನನ್ನೂ ಕೇಂದ್ರ ಸಮಿತಿಗೆ ನೇಮಿಸಿ, ಅವರಿಗೆ ವಿಶೇಷ ಅಧಿಕಾರ ನೀಡಲಾಯಿತು. ಆ ಸಭೆಗೆ ಪ್ರತಿ ರಾಜ್ಯದಿಂದಲೂ ಇಬ್ಬರು ಮೂವರನ್ನು ಕರೆಯಲಾಗಿತ್ತು. ಮುಂಬೈ ಸ್ಫೋಟ ಸಂಭವಿಸಿದ್ದರಿಂದ ಹೆಚ್ಚಿನ ಹಿಂದೂ ಪ್ರಮುಖರ ಹತ್ಯೆ ಮಾಡಲಾಗಲಿಲ್ಲ. ಕೊಡಲೇ ಅನೇತ ಸಿಮಿ ಕಾರ್ಯಕರ್ತರು ಬಂಧನವಾಗಿದ್ದರಿಂದ ಸಂಘಟನೆ ಕುಸಿದು ಬಿತ್ತು. ಆದರೂ ಸಿಬ್ಲಿಯಂತಹ ನಾಯಕರು ಚಟುವಟಿಕೆಗಳನ್ನು ಜಾರಿಯಲ್ಲಿಟ್ಟರು.

ಹೀಗೆ ಸಾಗುತ್ತಿದೆ ಬಂಧಿತ ಸಿಮಿ ಪ್ರಮುಖನೊಬ್ಬನಮಂಪರು ಪರೀಕ್ಷೆಯ ಹೇಳಿಕೆ. ಗಮನಿಸಿ ಓದಿದರೆ ಬೆಂಗಳೂರು, ಹುಬ್ಬಳ್ಳಿ, ಉತ್ತರ ಕರ್ನಾಟಕ, ಕ್ಯಾಸಲ್ ರಾಕ್, ಕರ್ನಾಟಕ ಮೂಲಕ ಸಬ್ ಇನ್ಸ್ ಪೆಕ್ಟರ್ ದಯಾನಾಯಕ್ ಹೀಗೆ ಸಿಮಿ ಉಗ್ರರ ಚಟುವಟಿಕೆಗಳು ನಮ್ಮ ಆಸುಪಾಸಿನಲ್ಲೇ ಹಾದು ಹೋಗುತ್ತವೆ. of course, ಬೇರೆಯವಕ್ಕೆ ಹೋಲಿಸಿ ನೋಡಿದರೆ ಸಿಮಿ ಸಂಘಟನೆ ಅಷ್ಟು ಹುಲುಸಾಗಿ, ಬೇರಿಳಿದು ಬೆಳೆದಿಲ್ಲ. ಒಂದು ಬಾರಿ ಇದೆಲ್ಲದರ ಹಿನ್ನೆಲೆಯಲ್ಲಿ ಬೆಂಗಳೂರಿನಲ್ಲಿ ಮೊನ್ನೆ ನಡೆದ ಬಾಂಬ್ ಸ್ಫೋಟವನ್ನು ಮತ್ತೆ ಪರಿಶೀಲಿಸಿ, ನೆನಪು ಮಾಡಿಕೊಳ್ಳಿ. ಅದು ಯಾರ ಕೃತ್ಯವೆಂದು ಮನವರಿಕೆಯಾಗತೊಡಗುತ್ತದೆ.

Advertisements

About sujankumarshetty

kadik helthi akka

Posted on ಆಗಷ್ಟ್ 8, 2009, in ರವಿ ಬೆಳಗೆರೆ - ಸೂರ್ಯ ಶಿಕಾರಿ. Bookmark the permalink. ನಿಮ್ಮ ಟಿಪ್ಪಣಿ ಬರೆಯಿರಿ.

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: