Category Archives: ಎಸ್.ವಿ. ಪರಮೇಶ್ವರ ಭಟ್ಟ

MSIL ಗೀತೆಗಳು – ತಿಳಿಮುಗಿಲ ತೊಟ್ಟಿಲಲಿ

ಧ್ವನಿಮುದ್ರಿಕೆ: MSIL ಗೀತೆಗಳು ಭಾಗ ೩: ಎದೆ ತುಂಬಿ ಹಾಡುವೆನು
ಸಾಹಿತ್ಯ: ಎಸ್.ವಿ.ಪರಮೇಶ್ವರ ಭಟ್ಟ
ಸಂಗೀತ: ಮೈಸೂರು ಅನಂತಸ್ವಾಮಿ
ಗಾಯನ: ರತ್ನಮಾಲ ಪ್ರಕಾಶ್

ತಿಳಿಮುಗಿಲ ತೊಟ್ಟಿಲಲಿ ಮಲಗಿದ್ದ ಚಂದಿರನ
ಗಾಳಿ ಜೋಗುಳ ಹಾಡಿ ತೂಗುತಿತ್ತು
ಗರಿಮುದುರಿ ಮಲಗಿದ್ದ ಹಕ್ಕಿ ಗೂಡುಗಳಲ್ಲಿ
ಇರುಳು ಹೊಂಗನಸೂಡಿ ಸಾಗುತಿತ್ತು||ಪ||

ಮುದುಡಿರುವ ಪೊದರಿನಲಿ ನಸುಗಂಪಿನುದರದಲಿ
ಜೇನುಗನಸಿನಾ ಹಾಡು ಕೇಳುತಿತ್ತು
ತುಂಬು ನೀರಿನ ಹೊಳೆಯೊಳ್ ಅಂಬಿಗನ ಕಿರುದೋಣಿ
ಪ್ರಸ್ಥಾನ ಗೀತೆಯನು ಹಾಡುತಿತ್ತು ||ತಿಳಿ||

ಬರುವ ಮುಂದಿನ ದಿನದ ನವ ನವೋದಯಕ್ಕಾಗಿ
ಪ್ರ್‍ಅಕೃತಿ ತಪವಿರುವಂತೆ ತೋರುತಿತ್ತು
ಶಾಂತ ರೀತಿಯಲಿರುಳು ಮೆಲ್ಲ ಮೆಲ್ಲನೆ ಉರುಳಿ
ನಾಳಿನ ಶುಭೋದಯ ಸಾರುತಿತ್ತು ||ತಿಳಿ||

Advertisements

ಹಾಡು ಕೋಗಿಲೆ……………..ಪ್ರೀತಿಯ ಕರೆ ಕೇಳಿ

ಸಾಹಿತ್ಯ : ಡಾ.ಎಸ್.ವಿ.ಪರಮೇಶ್ವರ ಭಟ್ಟ
ಸಂಗೀತ : ಮೈಸೂರು ಅನಂತಸ್ವಾಮಿ
ಗಾಯನ : ಸುನೀತಾ ಅನಂತಸ್ವಾಮಿ

ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ನಲ್ಲೆ ನೀ ಬಂದಂದು ಕಣ್ಣಾರೆ ಕಂಡಂದು
ಮನೆಯೆಲ್ಲ ಹೊಳೆದಂತೆ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ಕರಿಗೆಜ್ಜೆ ಕುಣಿಸುತ್ತ ಕಣ್ಣೀರ ಮಿಡಿಯುತ್ತ
ಇರುಳಾಕೆ ಬಂದಳು ದೀಪ ಹಚ್ಚ
ಬಾನಿನಂಗಳದಲ್ಲಿ ಚುಕ್ಕಿ ಹೊಳೆ ಬೆಸೆವಂತೆ
ನನ್ನ ಮನದಂಗಳದಲ್ಲಿ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ಹಳೆ ಬಾಳು ಸತ್ತಿತ್ತು ಕೊಳೆ ಬಾಳು ಸುಟ್ಟಿತ್ತು
ಹೊಸ ಬಾಳು ಹುಟ್ಟಿತ್ತು ದೀಪ ಹಚ್ಚ
ಪ್ರೀತಿರತಿಗೆ ನೀ ಬೆಳಕಿನ ಆರತಿ
ಪ್ರೀತಿರತಿಗೆ ನೀ ಬೆಳಕಿನ ಆರತಿ
ಬೆಳಗಿ ಕಣ್ಣಾರತಿ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ವಿಷ್ಣುಮೋಹಿತ ಚರಣ ವಿವಿಧ ವಿಶ್ವಾಭರಣ
ವಿಷ್ಣುಮೋಹಿತ ಚರಣ ವಿವಿಧ ವಿಶ್ವಾಭರಣ
ಆನಂದದ ಕಿರಣ ದೀಪ ಹಚ್ಚ
ನೀನೆಂಬ ಜೋತಿಯಲಿ ನಾಬೆಂಬ ಪತಂಗ
ಸೋತ ಹುಲಿ ಏಳಲಿ ದೀಪ ಹಚ್ಚ
ನನ್ನಂತರಂಗದಿ ನಂದದೆ ನಿಂದೀಪ
ನಂದಾದೀಪವಾಗಿರಲಿ ದೀಪ ಹಚ್ಚ

ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ನಲ್ಲೆ ನೀ ಬಂದಂದು ಕಣ್ಣಾರೆ ಕಂಡಂದು
ಮನೆಯೆಲ್ಲ ಹೊಳೆದಂತೆ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ದೀಪ ಹಚ್ಚ ದೀಪ ಹಚ್ಚ
ದೀಪ ಹಚ್ಚ ದೀಪ ಹಚ್ಚ

ಎಸ್.ವಿ. ಪರಮೇಶ್ವರ ಭಟ್ಟ

ಎಸ್.ವಿ.ಪರಮೇಶ್ವರ ಭಟ್ಟರು ೧೯೧೪ ಫೆಬ್ರುವರಿ ೮ರಂದು ವಿದ್ಯಾರಣ್ಯಪುರದಲ್ಲಿ ಜನಿಸಿದರು. ತಾಯಿ ಲಕ್ಷ್ಮಮ್ಮ ; ತಂದೆ ಸದಾಶಿವರಾಯರು. ಹುಟ್ಟಿ ೧ ವರ್ಷಕ್ಕೇ ತಾಯಿಯನ್ನು ಕಳೆದುಕೊಂಡ ಬಾಲಕ, ಪ್ರೌಢಶಾಲೆಯಲ್ಲಿ ಓದುತ್ತಿರುವಾಗಲೆ ತಂದೆಯನ್ನೂ ಸಹ ಕಳೆದುಕೊಂಡರು.

ಶಿಕ್ಷಣ

ತೀರ್ಥಹಳ್ಳಿಯಲ್ಲಿ ಪ್ರಾಥಮಿಕ ವಿದ್ಯಾಭ್ಯಾಸ ಮುಗಿಸಿದ ಪರಮೇಶ್ವರಭಟ್ಟರು ಬೆಂಗಳೂರಿನಲ್ಲಿ ಎಂ.ಎ.ವರೆಗೆ ಓದಿದರು

ಕೃತಿಗಳು

  • ಇಂದ್ರಚಾಪ
  • ಇಂದ್ರಗೋಪ
  • ಉಪ್ಪುಕಡಲು
  • ಗಗನಚುಕ್ಕಿ
  • ರಾಗಿಣಿ
  • ಕೃಷ್ಣಮೇಘ
  • ಗಾಥಾಸಪ್ತಶತಿ
  • ಅಮರುಶತಕ
  • ಭರ್ತೃಹರಿಯ ಶತಕತ್ರಯ
  • ಸುರಗಿ
  • ಸುರಹೊನ್ನೆ
  • ತುಂಬೆಹೂವು
  • ಮಂಥಾನ
  • ಮುದ್ದಣ ಕವಿಯ ಅದ್ಭುತ ರಾಮಾಯಣ
  • ಅಕ್ಕಮಹಾದೇವಿ
  • ಭಾವಗೀತೆ
  • ಕೆಲವು ಇಂಗ್ಲಿಷ್ ಪ್ರಬಂಧಗಳು
  • ಸೀಳುನೋಟ
  • ಜಹಾನಾರಾ
  • ಮಾಚಯ್ಯ
  • ಅದ್ಭುತ ರಾಮಾಯಣದ ಕಥೆ
  • ಕಣ್ಣು ಮುಚ್ಚಾಲೆ
  • ಗೀತ ಗೋವಿಂದ
  • ಚಂದ್ರವೀಥಿ
  • ಪಾಮರ
  • ಕನ್ನಡ ಕಾಳಿದಾಸ ಮಹಾಸಂಪುಟ

ಪುರಸ್ಕಾರ