Category Archives: ಭಾವಗೀತೆ

ಬಾ ಸವಿತಾ ಬಾ

ಬಾ ಸವಿತಾ ಬಾ ಸವಿತಾ ಬಾ ಸವಿತಾ

ಒಳಗಿನ ಕಣ್ಣನು ಮುಚ್ಚಿಸಿ ಒಮ್ಮೆ
ತಿಳಿವಿಗೆ ಬಣ್ಣವ ಹಚ್ಚಿಸಿ ಒಮ್ಮೆ
ಒಳಿತಲ್ಲದುದೆ ಒಳಿತೆಂಬುದರ
ಚಳಕವೆಲ್ಲಕೆ ವಿನಾಶವ ತಾ

ಬಾ ಸವಿತಾ ಬಾ ಸವಿತಾ ಬಾ ಸವಿತಾ

ನೆಲೆಯಿಂದ ಹೊರಟು ಅಲೆ ಅಲೆ ಅಲೆ ಅಲೆ
ಛಲ ತೊಟ್ಟ ಮಲ್ಲ ವಾಹಿನಿ ಬಾ
ನಿಲವಿಲ್ಲಾ ಜಗದಿ ಕತ್ತಲೆಗೆಂದು
ಗೆಲವನು ಸಾರುವ ಭಾಸವ ತಾ

ಬಾ ಸವಿತಾ ಬಾ ಸವಿತಾ ಬಾ ಸವಿತಾ

ಓಂ ತತ್ ಸವಿತುರ್ವರೇಣ್ಯವೆಂದೆವು
ಅಂತಲ್ಲದೆ ಬೇರೇನನು ನಂಬೆವು
ಪಂಥವ ಬೆಳಗಿಸಿ ನಿರೂಪಿಸಿ ಕಾಂಬೆವು
ಶಾಂತ ಸುಂದರ ಶಿವದಾ ಸವಿತಾ

ಬಾ ಸವಿತಾ ಬಾ ಸವಿತಾ ಬಾ ಸವಿತಾ ಬಾ ಸವಿತಾ

Advertisements

ಭಾವಗೀತೆ……………………… ಹೊತ್ತಿತೋ ಹೊತ್ತಿತೋ

ಸಾಹಿತ್ಯ : ಡಾ.ಸಿದ್ದಯ್ಯ ಪುರಾಣಿಕ
ಗಾಯನ : ಡಾ.ರಾಜಕುಮಾರ್

ಶಕ್ತಿ ಮೂಲವು ನಿನಗೆ ಕನ್ನಡದ ಪ್ರೇಮ
ಕನ್ನಡಿಗ ನೀನಾಗು ಕನ್ನಡದ ಧೀಮ
ಉಸಿರಾಗು ಕನ್ನಡದ ತೇಜ ಸ್ವರೂಪ
ಕನ್ನಡಿಗರೆದೆ ಬೆಳಗೆ ಕನ್ನಡವೇ ದೀಪ

ಹೊತ್ತಿತೋ ಹೊತ್ತಿತೋ ಕನ್ನಡದ ದೀಪ
ಮುಗಿಯಿತೋ ಮುಗಿಯಿತೋ ಶತಮಾನಗಳ ಶಾಪ
ಹೊತ್ತಿತೋ ಹೊತ್ತಿತೋ ಕನ್ನಡದ ದೀಪ
ಹೊತ್ತಿತೋ.. ಹೊತ್ತಿತು…ಕನ್ನಡದ ದೀಪ

ಲ.ಲಾಲ ಲಲ ಲ.ಲಾಲ ಲಲ ಲ.ಲಾಲ ಲಲ
ಲ.ಲಾಲ ಲಲ ಲ.ಲಾಲ ಲಲ ಲ.ಲಾಲ ಲಲ
ಕಣ್ಣು ಕುಕ್ಕಿಸುವಂತೆ ಧೇವಿದ್ಯಮಾನ
ರಕ್ತ ಉಕ್ಕಿಸುವಂತೆ ಶೋಭಾಯಮಾನ
ಕಣ್ಣು ಕುಕ್ಕಿಸುವಂತೆ ಧೇವಿದ್ಯಮಾನ
ರಕ್ತ ಉಕ್ಕಿಸುವಂತೆ ಶೋಭಾಯಮಾನ
ಕನ್ನಡದ ಮನೆಯಾಗೇ ಜೋತರ್ನಿಧಾನ
ಕನ್ನಡದ ಪ್ರಾಣ ಕನ್ನಡದ ಮಾನ
ಕನ್ನಡದ ಪ್ರಾಣ ಕನ್ನಡದ ಮಾನ
ಹೊತ್ತಿತೋ.. ಹೊತ್ತಿತು…ಕನ್ನಡದ ದೀಪ

ಲ.ಲಾಲ ಲಲ ಲ.ಲಾಲ ಲಲ ಲ.ಲಾಲ ಲಲ
ಲ.ಲಾಲ ಲಲ ಲ.ಲಾಲ ಲಲ ಲ.ಲಾಲ ಲಲ
ಉರಿವವರು ಬೇಕೆಂದು ಇದರೆಣ್ಣೆಯಾಗಿ
ಸುಡುವವರೂ ಬೇಕೆಂದು ನಿಡುಬತ್ತಿಯಾಗಿ
ಉರಿವವರು ಬೇಕೆಂದು ಇದರೆಣ್ಣೆಯಾಗಿ
ಸುಡುವವರೂ ಬೇಕೆಂದು ನಿಡುಬತ್ತಿಯಾಗಿ
ಧರಿಸುವವರು ಬೇಕಿದನು ಸಿರಿಹಣತೆಯಾಗಿ
ನನ್ನೀ ಉಸಿರಾಗಿ ಧರ್ಮಕ್ಕೆ ಬಾಗಿ
ನನ್ನೀ ಉಸಿರಾಗಿ ಧರ್ಮಕ್ಕೆ ಬಾಗಿ
ಹೊತ್ತಿತೋ.. ಹೊತ್ತಿತು…ಕನ್ನಡದ ದೀಪ

ಚಿರಕಾಲ ಬೆಳಗಲಿ ಕನ್ನಡದ ದೀಪ
ಜಗಕ್ಕೆಲ್ಲ ಬೆಳಕಾಗಿ ಪುಣ್ಯ ಪ್ರದೀಪ
ಚಿರಕಾಲ ಬೆಳಗಲಿ ಕನ್ನಡದ ದೀಪ
ಜಗಕ್ಕೆಲ್ಲ ಬೆಳಕಾಗಿ ಪುಣ್ಯ ಪ್ರದೀಪ
ಭಾರತಕೆ ಬಳವಾಗಿ ಭವ್ಯ ಪ್ರದೀಪ
ಕಳೆಯುತ್ತಾ ತಾಪ ಬೆಳೆಸುತ್ತಾ ತೈಪ
ಕಳೆಯುತ್ತಾ ತಾಪ ಬೆಳೆಸುತ್ತಾ ತೈಪ
ಹೊತ್ತಿತೋ ಹೊತ್ತಿತೋ ಕನ್ನಡದ ದೀಪ
ಮುಗಿಯಿತೋ ಮುಗಿಯಿತೋ ಶತಮಾನಗಳ ಶಾಪ
ಹೊತ್ತಿತೋ ಹೊತ್ತಿತೋ ಕನ್ನಡದ ದೀಪ
ಹೊತ್ತಿತೋ.. ಹೊತ್ತಿತು…ಕನ್ನಡದ ದೀಪ
ಕನ್ನಡದ ದೀಪ……

MSIL ಗೀತೆಗಳು – ತಿಳಿಮುಗಿಲ ತೊಟ್ಟಿಲಲಿ

ಧ್ವನಿಮುದ್ರಿಕೆ: MSIL ಗೀತೆಗಳು ಭಾಗ ೩: ಎದೆ ತುಂಬಿ ಹಾಡುವೆನು
ಸಾಹಿತ್ಯ: ಎಸ್.ವಿ.ಪರಮೇಶ್ವರ ಭಟ್ಟ
ಸಂಗೀತ: ಮೈಸೂರು ಅನಂತಸ್ವಾಮಿ
ಗಾಯನ: ರತ್ನಮಾಲ ಪ್ರಕಾಶ್

ತಿಳಿಮುಗಿಲ ತೊಟ್ಟಿಲಲಿ ಮಲಗಿದ್ದ ಚಂದಿರನ
ಗಾಳಿ ಜೋಗುಳ ಹಾಡಿ ತೂಗುತಿತ್ತು
ಗರಿಮುದುರಿ ಮಲಗಿದ್ದ ಹಕ್ಕಿ ಗೂಡುಗಳಲ್ಲಿ
ಇರುಳು ಹೊಂಗನಸೂಡಿ ಸಾಗುತಿತ್ತು||ಪ||

ಮುದುಡಿರುವ ಪೊದರಿನಲಿ ನಸುಗಂಪಿನುದರದಲಿ
ಜೇನುಗನಸಿನಾ ಹಾಡು ಕೇಳುತಿತ್ತು
ತುಂಬು ನೀರಿನ ಹೊಳೆಯೊಳ್ ಅಂಬಿಗನ ಕಿರುದೋಣಿ
ಪ್ರಸ್ಥಾನ ಗೀತೆಯನು ಹಾಡುತಿತ್ತು ||ತಿಳಿ||

ಬರುವ ಮುಂದಿನ ದಿನದ ನವ ನವೋದಯಕ್ಕಾಗಿ
ಪ್ರ್‍ಅಕೃತಿ ತಪವಿರುವಂತೆ ತೋರುತಿತ್ತು
ಶಾಂತ ರೀತಿಯಲಿರುಳು ಮೆಲ್ಲ ಮೆಲ್ಲನೆ ಉರುಳಿ
ನಾಳಿನ ಶುಭೋದಯ ಸಾರುತಿತ್ತು ||ತಿಳಿ||

ಹಾಡು ಕೋಗಿಲೆ……………..ಪ್ರೀತಿಯ ಕರೆ ಕೇಳಿ

ಸಾಹಿತ್ಯ : ಡಾ.ಎಸ್.ವಿ.ಪರಮೇಶ್ವರ ಭಟ್ಟ
ಸಂಗೀತ : ಮೈಸೂರು ಅನಂತಸ್ವಾಮಿ
ಗಾಯನ : ಸುನೀತಾ ಅನಂತಸ್ವಾಮಿ

ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ನಲ್ಲೆ ನೀ ಬಂದಂದು ಕಣ್ಣಾರೆ ಕಂಡಂದು
ಮನೆಯೆಲ್ಲ ಹೊಳೆದಂತೆ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ಕರಿಗೆಜ್ಜೆ ಕುಣಿಸುತ್ತ ಕಣ್ಣೀರ ಮಿಡಿಯುತ್ತ
ಇರುಳಾಕೆ ಬಂದಳು ದೀಪ ಹಚ್ಚ
ಬಾನಿನಂಗಳದಲ್ಲಿ ಚುಕ್ಕಿ ಹೊಳೆ ಬೆಸೆವಂತೆ
ನನ್ನ ಮನದಂಗಳದಲ್ಲಿ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ಹಳೆ ಬಾಳು ಸತ್ತಿತ್ತು ಕೊಳೆ ಬಾಳು ಸುಟ್ಟಿತ್ತು
ಹೊಸ ಬಾಳು ಹುಟ್ಟಿತ್ತು ದೀಪ ಹಚ್ಚ
ಪ್ರೀತಿರತಿಗೆ ನೀ ಬೆಳಕಿನ ಆರತಿ
ಪ್ರೀತಿರತಿಗೆ ನೀ ಬೆಳಕಿನ ಆರತಿ
ಬೆಳಗಿ ಕಣ್ಣಾರತಿ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ

ವಿಷ್ಣುಮೋಹಿತ ಚರಣ ವಿವಿಧ ವಿಶ್ವಾಭರಣ
ವಿಷ್ಣುಮೋಹಿತ ಚರಣ ವಿವಿಧ ವಿಶ್ವಾಭರಣ
ಆನಂದದ ಕಿರಣ ದೀಪ ಹಚ್ಚ
ನೀನೆಂಬ ಜೋತಿಯಲಿ ನಾಬೆಂಬ ಪತಂಗ
ಸೋತ ಹುಲಿ ಏಳಲಿ ದೀಪ ಹಚ್ಚ
ನನ್ನಂತರಂಗದಿ ನಂದದೆ ನಿಂದೀಪ
ನಂದಾದೀಪವಾಗಿರಲಿ ದೀಪ ಹಚ್ಚ

ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ನಲ್ಲೆ ನೀ ಬಂದಂದು ಕಣ್ಣಾರೆ ಕಂಡಂದು
ಮನೆಯೆಲ್ಲ ಹೊಳೆದಂತೆ ದೀಪ ಹಚ್ಚ
ಪ್ರೀತಿಯ ಕರೆ ಕೇಳಿ ಆತ್ನನ ಮೊರೆ ಕೇಳಿ
ನೀ ಬಂದು ನಿಂದಿಲ್ಲಿ ದೀಪ ಹಚ್ಚ
ದೀಪ ಹಚ್ಚ ದೀಪ ಹಚ್ಚ
ದೀಪ ಹಚ್ಚ ದೀಪ ಹಚ್ಚ

ಏನೀ ಭಯಭ್ರಾಂತಿಯೇ

ಕವಿ: ಡಿ.ವಿ.ಜಿ
ಕವನ ಸಂಕಲನ: ಅಂತಃಪುರ ಗೀತೆಗಳು
ಆಲ್ಬಂ: ನೀಲಾಂಬರಿ
ಗಾಯನ: ರತ್ನಮಾಲ ಪ್ರಕಾಶ್

ಏನೀ ಭಯಭ್ರಾಂತಿಯೇ ನೀಲಾಂಬರೇ
ಏನಂಗವಿಭ್ರಾಂತಿಯೇ ಅಶಾಂತಿಯೇ

ನೀಲಾಂಬರದ ನಿರಿಯಾಲಯತನಗೆಂದು
ಚಳಿಗಾರರುಹಿದರೆ ಮನೋಹರೆ

ಹೇಮಾಂಬರಾಗಕೆ ಶಾಮಾಂಬರಚ್ಚನಿ
ರಮಣೀಯಕವೆಂದು ಭಾಮಿನಿಯಿಂಬಗೆದು
ಕ್ಷೌಮವ ಕೊಳ್ಳಲಿ ಭೀಮೋತ್ಪಾತವಿದೇನೆ
ಸೌಮ್ಯನಾಯಕಿ ವರಸ್ವಾಮಿಯೆ ಗತಿಯಲ್ತೆ

ಬೆಚ್ಚಿಸಿ ನಿನ್ನನು ನಿಶ್ಚೇಲಗೈದು
ತನ್ನಕ್ಷಿಗೆ ನಿನ್ನ ಸಿಂಗಾರದೂಟವನುಣಿಸೆ
ವ್ರುಶ್ಚಿಕಮಂತ್ರವನುಚ್ಚರಿಸಿದನೇನೆ
ಅಚ್ಚುಮೆಚ್ಚಿನ ನಿನ್ನ ಮಾಯಾವಿ ಕೇಶವ

ಮಾಲತಿ ಶರ್ಮ ಅವರಿಂದ ವಿವರಣೆ: ಹೇ ಶಿಲಾಬಾಲಿಕೆ! ಭಯವೇಕೆ ? ಭ್ರಾಂತಿಯೇಕೆ ? ಶಾಂತವಾಗು. ಚೆನ್ನಕೇಶವ ನಿನ್ನ ಬೆಚ್ಚಿಸಿ ತನ್ನ ಕಣ್ಣುಗಳಿಗೆ ಶೃಂಗಾರವೂಟವನುಣಿಸುತ್ತಾನೆ, ನಿನ್ನನ್ನು ಚುಚ್ಚಿ ಬೆದರಿಸುತ್ತೇನೆ. ಹೇಗೂ ಮಾಯಾವಿ ಕೇಶವ ನಿನ್ನನ್ನು ಖಂಡಿತ ವರಿಸುತ್ತಾನೆ.

ಗೆಲಿದೌ ಲಲಿತಾಂಗಿ

ಕವಿ: ಡಿ.ವಿ.ಜಿ
ಕವನ ಸಂಕಲನ: ಅಂತಃಪುರ ಗೀತೆಗಳು
ಆಲ್ಬಂ: ನೀಲಾಂಬರಿ
ಗಾಯನ: ರತ್ನಮಾಲ ಪ್ರಕಾಶ್

ಗೆಲಿದೌ ಲಲಿತಾಂಗಿ ಲತಾಂಗಿ
ಲಾಲಿಸಿ ಈ ಲೋಕವ ಲೀಲಾಲಯ ಲೋಲಾಂಗದಿಂ

ಹೃದಯವಾರಿಧಿಯ ನೀ ಕಡೆದಭಿನಯದಿಂ
ಮಧುರಗಾಯನದಿಂದೆ ಗಳಿಸಿದೆ ಸುಧೆಯಿಂ
ರೂಪಕಾಂತಿಗಳಿಂದೆ ತೋಳಿನ
ಬಳ್ಳಿ ಬಳುಕುಗಳಿಂದೆ ಕಾಲಿನ
ತಾಳಮೇಳಗಳಿಂದೆ ವದನವ
ಭಾವಭಾವಗಳಿಂದೆ ಭುವನವ

ಜಗದ ಕಟ್ಟಡವಿಯೊಳ್ ಭವದ ಕತ್ತಲೆಯೊಳ್
ಸೊಗದ ದೀವಿಗೆ ತೋರಿ ಸವಿಯೂಟವಿಡುವೆ
ಜೀವಯಾತ್ರೆಯ ಚರಿಪ ಚರಣದಿ
ಜೀವಿಸುವೆ ಸುತ್ಸಾಹ ಬಲವನು
ರಾಸಕೇಳಿ ರಸವಿಲಾಸಿನೀ
ಕೇಶವಾಂತಃಪುರನಿವಾಸಿನೀ

ಮಾಲತಿ ಶರ್ಮ ಅವರಿಂದ ವಿವರಣೆ: ಶಿಲಾಬಾಲಿಕೆಯು ತನ್ನ ಅಂತರಂಗವೆಂಬ ಸಮುದ್ರವನ್ನು ಮಂಥನ ಮಾಡಿ, ಮಧುರಗಾನದಿಂದ ಅಮೃಥವನ್ನು ಪಡೆಯುತ್ತಾಳೆ. ತನ್ನ ರೂಪ, ಕಾಂತಿಗಳಿಂದ, ವಯ್ಯಾರದಿಂದ, ಕೇಶವನ ಅನುಗ್ರಹ ಪಡೆಯುತ್ತಾಳೆ. ಕತ್ತಲೆಯ ಕಾಡಾದ ಈ ಜಗತ್ತಿಗೆ ನೀನು ದೀಪವಾಗಿ ದಾರಿ ತೋರಿ ಸವಿಯೂಟವ ಕೊಟ್ಟಿರುವೆ. ಜೀವನಕೆ ಉತ್ಸಾಹದಾಯಕಿಯು, ಬಲದಾಯಕಿಯು ಆಗಿರುವೆ. ನೀನು ಕೇಶವನ ಅಂತರಂಗದಲಿ ನೆಲೆಸಿರುವೆ ಎಂದು ಕವಿಯು ಶಿಲಾಬಾಲಿಕೆಗೆ ಆಶ್ವಾಸನೆವೀಯುತ್ತಾನೆ

ಆವರಾಗವ ಪಾಡುವೆ (ಘಮ ಘಮ)

ಕವನ ಸಂಕಲನ: ಅಂತಃಪುರ ಗೀತೆಗಳು
ಆಲ್ಬಂ: ಘಮ ಘಮ (2004)
ಗಾಯನ: ಅಶ್ವಿನಿ
ಸಂಗೀತ: ವಿಶ್ವೇಶ್ ಭಟ್
ಕಲಾವಿದರ ತಾಣ: www.Vishwini.com
ಹಾಡು ಕೇಳಿ

ಆವರಾಗವ ಪಾಡುವೆ ಎನ್ನೊಲವೆ
ಆವರಾಗವ ಪಾಡುವೆ
ಆವರಾಗವ ಪಾಡಿ ಆವ ಮಾಟವ ಮಾಡಿ
ಆವರಾಗವ ಪಾಡಿ ಆವ ಮಾಟವ ಮಾಡಿ
ಆವ ಜೀವವ ಕಾಡಿ ನೀನಿಂತು ನಲಿಯುವೆ
ಆವರಾಗವ ಪಾಡುವೆ ಎನ್ನೊಲವೆ
ಆವರಾಗವ ಪಾಡುವೆ

ಕಲಹಂಸೆ ಲಲಿತಸ್ವರೆ
ಮನೋಹರೆ ವಿಲಸಿತ ವಿವರಾಧರೆ
ಮನಸಿನ ಗುಹೆಯಲಿ ಮಲಗಿರ್ಪ ದನಿಗಳ
ಹೊನಲಾಗೈ ಹರಿಸಿ ಲಾಲಿಸುವೆ ನಮ್ಮಸುಗಳ
ಆವರಾಗವ ಪಾಡುವೆ ಎನ್ನೊಲವೆ
ಆವರಾಗವ ಪಾಡುವೆ

ಮಧುರ ಗೀತಾಯುಧರೆ
ನಮ್ಮಯ ಚದುರ ಚೆನ್ನಿಗ ಕೇಶವೇಶನ
ಹೃದಯರಾಜ್ಯವ ಸೂರೆಗೊಳ್ಳುವ
ಮದನಬಲ ಪಟ್ಟಾಧಿಕಾರಿಣೀ
ಆವರಾಗವ ಪಾಡುವೆ ಎನ್ನೊಲವೆ
ಆವರಾಗವ ಪಾಡುವೆ

ಅಂತಃಪುರ ಗೀತೆಗಳು – ಏನೀ ಮಹಾನಂದವೇ – ಡಿ.ವಿ.ಜಿ

ಏನೀ ಮಹಾನಂದವೇ ಓ ಭಾಮಿನಿ
ಏನೀ ಸಂಭ್ರಮದಂದವೇ ಬಲು ಚಂದವೇ ||
ಏನೀ ವೃತಾಮೋದ ಏನೀ ಮುರಜ ನಾದ
ಏನೀ ಜೀವೋನ್ಮಾದ ಏನೀ ವಿನೋದ ||

ಢಕ್ಕೆಯ ಶಿರಕೆತ್ತಿ – ತಾಳಗೋಲಿಂ ತಟ್ಟಿ
ತಕ್ಕಿಟ ಧಿಮಿಕಿಟ – ತಕಝಣುರೆನಿಸಿ ||
ಕುಕ್ಕುತೆ ಚರಣವ – ಕುಲುಕುತೆ ಕಾಯವ
ಸೊಕ್ಕಿದ ಕುಣಿತವ – ಕುಣಿವೆ ನೀನೆಲೆ ಬಾಲೆ ||

ಆರು ನಿನ್ನೆಯ ಹೃದಗಾರದೆ ನರ್ತಿಸಿ
ಮಾರ ಶೂರತೆಯ ಪ್ರಕಾರಿಸುತಿರ್ಪನ್ ||
ಸ್ಮೇರವದನ ನಮ್ಮ ಚೆನ್ನಕೇಶವ ರಾಯ
ಓರೆಗನ್ನಿಂ ಸನ್ನೆ ತೋರುತಲಿಹನೇನೆ ||

ಹೆಂಗಸ್ರವ್ರೆ

ಹೆಂಗಸ್ರವ್ರೆ ಹೂವ್ವಿದಂಗೆ
ನಲ್ಗಿಸ್ಬಾರ್ದು ಅವ್ರನ್ನು

ಒಂದು ಚೋಟುದ್ದ ಹೂವಂತದ್ನ ಒದ್ದು
ನಿಂತ್ರೆ ಉದ್ದಾರಾದ್ನಾ

ಕುಡಕರ್ ಮಾತ್ವ

ಕುಡಕರ್ ಮಾತ್ವ ತಿಳಿಕೊಳ್ದೇನೆ
ನೂಕ್ಬಾರ್ದ್ ಔರ್ನ ಕೆಳಗೆ;
ಯಾವ್ ಚಿಪ್ನಾಗ್ ಮುತ್ತ್ ಐತೊ-
ಒಡದ್ ನೋಡ್ಬೇಕ್ ಒಳಗೆ!

ಕೊಚ್ಚೆ ನೀರೀನ್ ಸೋದೀಸ್ತ್ ಅಂದ್ರೆ
ಸಿಕ್ಕೋಕಿಲ್ವ ಗಂಗೆ?
ಸಾಜಾ ಯೇಳೋನ್ ಯಾರಾದ್ರೇನು?
ಸತ್ಯ ಕಣ್ ಕಂಡೌಂಗೆ!

ಆರ್ತ್ ಇಲ್ಲಾಂತ್ ನೆಗಬೇಡಾಣ್ಣ
ನಾಕುಡದಾಡೋ ಮಟ್ಟು!
ಕುಡಕನ್ ಪದಗೊಳ್ ಒಕ್ಕ್ ನೋಡಿದ್ರೆ
ಮಸ್ತಾಗ್ ಅವೆ ಗುಟ್ಟು!

‘ರವ್ವಿ ಕಾಣದ್ ಕವಿ ಕಂಡ’
ಅಂದ್ರೆ ಕವಿಗೊಳ್ ತತ್ವ-
‘ಕವ್ವಿ ಕಾಣದ್ ಕುಡಕ ಕಂಡ’
ಅನ್ನೊದ್ ಕುಡಕರ್ ಮಾತ್ವ!